Kvifor treng me Heggestogo?

Det er kanskje lett å tenkje at det me treng minst no, er endå ein kafé - for Beitostølen er full av dei. Men Heggestogo er ikkje berre ein plass å få seg ein kaffikopp og noko å bite i. Det er noko meir. Noko me har sakna. Noko som skal gje liv, varme og fellesskap i bygda.

Me treng Heggestogo fordi me treng ein plass å samlast.

I kvardagen. I mellomromma. Etter jobb, før trening, i vinterferien, på ein vanleg tysdag. Ein plass der du kan stikke innom for ein prat, møte folk, kjenne lukta av nysteikte bollar, høyre latter frå småbarn i leikerommet og helsa på naboen som du ikkje har sett på ei stund.

Me treng Heggestogo fordi bygda treng liv. Det hjelper ikkje med butikk og kommunehus aleine. Me må ha ein møteplass. Ein kvardagsplass. Ein inkluderande og lun stad som høyrer til her – og som folk kjenner seg att i. For fastbuande, for hyttefolk, for ungdom og eldre og alle midt imellom. Alle skal kjenne at døra står open.

Me treng Heggestogo fordi me vil vere stolte.

Stolte av noko me har bygd saman. Noko som gjer bygda vår sterkare. Noko som blir ståande. Når folk kjem til Heggenes, skal dei seie: “Å, det er her Heggestogo ligg. Dette var fint. Dette var ekte.”

Me treng Heggestogo fordi no er tida inne. Me har tenkt tanken mange gonger. Nå gjer me noko med det. Me reiser eit hus for fellesskapet – med tre, varme, frivillighet og tru på bygda.

Og det beste av alt?

Du kan vera med.

—Hels på oss, følg prosjektet, støtt, del, prat – og gled deg.

Velkomen inn i Heggestogo – før det står ferdig.