Bygda bygger – saman

Noko av det finaste med Heggestogo, er at me ikkje berre har ein idé. Me har ein draum om noko som kan bli verkeleg – og me vil byggje det saman.

Heggestogo er ikkje eit prestisjeprosjekt. Det er eit bygdeprosjekt. Eit tankefrø som har begynt å spire – og no treng me fleire hender, hovud og hjarte for å få det til å vekse.

Me trur at det finst mange her som kjenner på det same: At bygda treng ein varm møteplass. At det manglar eit felles rom, der alle kan kjenne seg heime. At noko nytt må til, om me skal halde på både trivsel, tilhøyrsle og folk.

No byrjar me. Med skisser og samtalar, nettside og draumar – og me håpar du vil bli med. Kanskje du har ein idé? Eit tips? Eit ynskje? Eller kanskje du berre heiar?

Alt det tel.

Heggestogo skal ikkje reises av éin person eller eit firma – men av mange. Og når me ein

dag står der og døra opnar seg for første gong, så skal me kunne seie:

Dette laga me saman.